Theih cio bang, Hamas nih Israel ram thlanglei kam a tuk kha nizaan nai, Oct 7, 2023 khan asi. Hngakchia, nu nau, upa le tar; mizeihmanh hual lo bakin, inn khat hnu inn khat, an luh hnawh hna i Hamas (terrorist) nih an thah hna. Cheukhat Israeli pawl cu a zaam na, a thup na, an si. Israel cozah, aa tuar kho ve ti lo. US zong nih cun ralkap veizat an von thlah hnawh colh ve.
Atu hi a zual chin luaimai. Hamas pawl hi Palestine le Gaza ram ah a bikin khua an sa. Gaza ram zong, naite (2007) khan Hamas nih a kuttang ah a chiahmi ram asi. Atu hi Israel a thinhung ve cang. US ralkap zong cu tamlakte, ra ve hna kaw, a thapawt zual. Hamas nih Israel thinhunnak tih ah mipi pawl kha ikhamnak ah an hmang ve hna. Cheukhat an ibik. Tikah Israel nih hmailei ah daihnak dik um seh, ti cu duh ve kaw, zeihmanh hual ve loin Hamas pawl an um lai, tiah a ruahnak paoh a phawmh ve. Mipi tamlak te an thi i vakvai mi tampi an um. Cucaah, cheukhat nih Israel an soisel ngai ve. Egypt hna nih a ramri ah dor chungnak onh hna sehlaw, Gaza mipi le Palestine ram mipi cheukhat caah a tha ngai hnga, ti tawk zong an rak um ve.
Tutan Israel nih raltuknak a ton hi kum 50 hnu ah asi, an ti. Kum 1973 lioah khan Egypt, Syria le pawngkam ram hna nih an rak tuk. Cucu, Yom Kippur War tiah rak auh asi. Tutan idohning hi cu phundang te asi. Rocket in an ikap. Minung 1500 leng an thi cang i 2000 leng, hliam an tuar.
𝐇𝐚𝐦𝐚𝐬 𝐜𝐮 𝐦𝐢𝐳𝐞𝐢𝐝𝐚𝐡 𝐚𝐬𝐢?
Hamas cu Israel cihmih timtu, Israel caah ral ngan tak asi. Anmah hi Iran ram nih “fund” kawlpiak in hramdirhmi “terrorist group" an si, ti si. Cucaah, vawleipi hrang zongah ral ngan tak an si. Iran ram aiawh in biachimtu Gahzi Hamad nih “Hamas (terrorist group) nih hin raltuknak hrangah bawmhnak an hmu” tiah BBC sin zongah a chim. Iran ve zong nih Israel cihmih ding le vawlei ah Israel miphun um ti loin hloh ding hi aa tinh zungzal mi asi ve.
Hamas hruaitu lutlai fapa 𝑀𝑜𝑠𝑎𝑏 𝐻𝑎𝑠𝑠𝑎𝑛 𝑌𝑜𝑢𝑠𝑒𝑓 zong nih Interview ah siseh, a cauk cahmai zongah siseh, Israel ram caah Hamas policy le agenda that lonak tampi a chimmi le tialmi hmuh le theih khawh an si. Biahlei ah, atu hi Joe Biden (tulio USA President-Democratic Party) hruainak tangah USA zong nih Iran hi 6 billion dollars a pek, ti si. Zeitindah hi vialte hi asi khawh? Ruahphu ngai si. Hmailei ah USA le Iran karlak ah zei a cang lai, fiang si rih lo.
𝐏𝐫𝐨𝐩𝐡𝐞𝐭 𝐜𝐡𝐢𝐦𝐜𝐡𝐮𝐧𝐠 𝐛𝐢𝐚
Caan donghnak kong chim poah ah Jerusalem hrawnghrang thil sining zohchih peng asi. Ram minthang USA, French le Italy te hna in an si lo. Ram hmete Jerusalem hrawnghrang hi Baibal nih a chim peng, ti hi Baibal cawngmi le Prophet chimchung bia tuaktaan huammi nih cun hngalh dih asi ko.
𝐏𝐫𝐨𝐩𝐡𝐞𝐭 𝐙𝐞𝐜𝐡𝐚𝐫𝐢𝐚𝐡 sinah Pathian nih a rak chim chungmi cu, “𝑽𝒂𝒘𝒍𝒆𝒊 𝒄𝒖𝒏𝒈 𝒎𝒊𝒑𝒉𝒖𝒏 𝒗𝒊𝒂𝒍𝒕𝒆 𝒏𝒊𝒉 𝑱𝒆𝒓𝒖𝒔𝒂𝒍𝒆𝒎 𝒍𝒆 𝑱𝒖𝒅𝒂𝒉 𝒌𝒉𝒂 𝒂𝒏 𝒌𝒖𝒍𝒉 𝒉𝒏𝒂 𝒕𝒊𝒌𝒂𝒉, 𝒄𝒖 𝒏𝒊 𝒂𝒉 𝒄𝒖𝒏 𝑱𝒆𝒓𝒖𝒔𝒂𝒍𝒆𝒎 𝒄𝒖 𝒂𝒉𝒐 𝒄𝒂 𝒉𝒎𝒂𝒏𝒉 𝒊 𝒕𝒉𝒊𝒂𝒍 𝒂𝒘𝒌𝒂𝒉 𝒂 𝒓𝒊𝒕 𝒕𝒖𝒌𝒎𝒊 𝒍𝒖𝒏𝒈𝒕𝒖𝒎 𝒂𝒉 𝒌𝒂 𝒔𝒆𝒓 𝒍𝒂𝒊 𝒊 𝒄𝒂𝒘𝒊 𝒂𝒂 𝒛𝒖𝒂𝒎𝒎𝒊 𝒑𝒂𝒐𝒉 𝒄𝒖 𝒂𝒏𝒎𝒂𝒉 𝒕𝒖 𝒌𝒉𝒂 𝒂𝒏 𝒊 𝒉𝒍𝒊𝒂𝒎 𝒍𝒂𝒊. 𝑲𝒉𝒊 𝒏𝒊 𝒂𝒉 𝒄𝒖𝒏 𝒓𝒂𝒏𝒈𝒕𝒖𝒎 𝒗𝒊𝒂𝒍𝒕𝒆 𝒌𝒉𝒂 𝒌𝒂 𝒍𝒖𝒂𝒕𝒆𝒓 𝒉𝒏𝒂 𝒍𝒂𝒊 𝒊 𝒂𝒏 𝒄𝒖𝒏𝒈 𝒊 𝒂𝒂 𝒄𝒊𝒕𝒎𝒊 𝒌𝒉𝒂 𝒌𝒂 𝒎𝒐𝒍𝒉𝒕𝒆𝒓 𝒉𝒏𝒂 𝒍𝒂𝒊, 𝑱𝒖𝒅𝒂𝒉 𝒌𝒉𝒂 𝒄𝒖 𝒌𝒂 𝒛𝒐𝒉𝒌𝒉𝒆𝒏𝒉 𝒍𝒂𝒊, 𝒔𝒊𝒉𝒎𝒂𝒏𝒉𝒔𝒆𝒉𝒍𝒂𝒘 𝒎𝒊𝒑𝒉𝒖𝒏 𝒅𝒂𝒏𝒈 𝒓𝒂𝒏𝒈𝒕𝒖𝒎 𝒗𝒊𝒂𝒍𝒕𝒆 𝒌𝒉𝒂 𝒄𝒖 𝒂𝒏 𝒎𝒊𝒕 𝒌𝒂 𝒄𝒂𝒘𝒕𝒕𝒆𝒓 𝒉𝒏𝒂 𝒍𝒂𝒊, 𝒕𝒊𝒂𝒉 𝑩𝒂𝒘𝒊𝒑𝒂 𝒏𝒊𝒉 𝒂 𝒕𝒊” (Zechariah 12:3-4).
𝐙𝐞𝐢𝐝𝐚𝐡 𝐙𝐨𝐡 𝐀𝐰𝐤 𝐥𝐞 𝐑𝐚𝐥𝐫𝐢𝐧𝐠 𝐀𝐰𝐤!!
Khrihfa hna nih zeibantukdah kan zoh lai? Baibal nih, “𝐶𝑎𝑎𝑛 𝑑𝑜𝑛𝑔ℎ 𝑙𝑎𝑖 𝑎ℎ𝑐𝑢𝑛 𝐼𝑠𝑟𝑎𝑒𝑙 𝑎𝑛 𝑖𝑡ℎ𝑒𝑘𝑛𝑎𝑘 𝑖𝑛 𝑎𝑛 𝑘𝑖𝑟 𝑡ℎ𝑎𝑛 𝑙𝑎𝑖, 𝑐𝑢𝑛 𝑡ℎ𝑒𝑘𝑡𝑢 𝑙𝑒 𝑑𝑜ℎ𝑡𝑢 𝑎𝑛 𝑐ℎ𝑢𝑎𝑘 𝑡ℎ𝑎𝑛 𝑙𝑎𝑖,” ti hi atu le tu a nolh lengmnag. Ramkip an itheknak in May 14, 1948 khan ram ngei miphun an si than. Nazi (German) nih ceilakte a thah hna. Ram an ser hnu in dohtu an ngei than lengmang. Niruk chung raldohnak (six days war) te hna, Yom Kippur raldohnak (Yom Kippur War) te hna. Atu zong hi Iran, Hamas (Gaza) le pawgkam ram tampi nih Israel cu an mitkem pengmi ram si, ti cu hngalh cio asi.
Ezekiel 37 le 38 ah Israel ram dohtu ding hi chaklei kam ummi ram in a rami asi lai, “Magog” asi lai, ti a um.
“𝐌𝐚𝐠𝐨𝐠” 𝐜𝐮 𝐚𝐡𝐨𝐝𝐚𝐡 𝐚𝐬𝐢 𝐡𝐧𝐠𝐚?
Mi tampi nih nihin Russia (“Rus”) hi asi lai, tiah zumh cio asi. Israel ram in chaklei hei cuanh tikah Russia ram cu chaklei kam ah a ummi ram thawng asi taktak. Asi ah, Russia nih zeiruangah dah Israel doh, cihmih le hloh cu a duh? Baibal nih a chimmi cu Russia he a tangtimi ram pakhat a um. Cucu, Persia ram asi. Persia ram cu nihin Iran ram hi asi. Iran nih Israel hloh hi a duh zungzal. Cucu, al awk tha lomi asi. Iran nih hin a hlan (1985) lio zongah khan Israel hi a rak hro, a tuk bal cang.
Russia le Iran tuanbia zoh tikah zeitikhmanh ah cu ti ngai in a kommi ram an si bal lo. Asinain, naite tatak khan biatak tein raltuknaklei le hriamnam kongkau ah pehtlaihnak an ngei. Iran sinah billion zeimawzat man asimi “𝑚𝑖𝑠𝑠𝑖𝑙𝑒𝑠" zuar dingin Russia nih lungtlin minthutnak zong a ngei. Cu ve bang, Iran nih Ukraine tuknak dingah Drones le raltuknak hriamnam dangdang pawl, Russia sinah a bawmh ve. An ipehtlaihnak thawng chin lengmang dingin lam an sial. Cu nih cun, Ezekiel 37 le 38 khi a hon tlinter chin vima cang, ti khawh asi.
𝐁𝐚𝐢𝐛𝐚𝐥 𝐜𝐡𝐮𝐧𝐠 𝐏𝐫𝐨𝐟𝐞𝐭 𝐛𝐢𝐚 𝐡𝐧𝐚 𝐡𝐢 𝐤𝐚𝐧 𝐦𝐢𝐭𝐤𝐚 𝐚𝐡 𝐚𝐧 𝐭𝐥𝐢𝐧𝐠 𝐜𝐮𝐚𝐡𝐦𝐚𝐡 𝐤𝐨 𝐜𝐚𝐧𝐠. Tutan Israel le Hamas idohnak ruangah caan a dongh colh lai, tiah chim duhmi cu asi lo. Sihmanhsehlaw, Israel le Jerusalem kongah tuknak le dohnak na rel fatinte, na taisawmh fek deuh in isawmh ko, ti bal kan duhpiak. Zeicahtiah, Baibal chungah profet chimchung bia, kanmah mit hrimhrim in kan hmuh, kan rel. Cu nih cun, profet hna nih caan donghnak kong, an rak chimchungmi hi a tling cuahmah ti a hmuhsak.
𝗛𝗶 𝗯𝗮𝗻𝘁𝘂𝗸 𝘁𝗵𝗶𝗹 𝗮 𝗰𝗮𝗻𝗴𝗺𝗶 𝗸𝗮𝗻 𝗵𝗺𝘂𝗵, 𝗸𝗮𝗻 𝘁𝗼𝗻 𝗰𝘂𝗮𝗵𝗺𝗮𝗵 𝘁𝗶𝗸𝗮𝗵 𝗞𝗵𝗿𝗶𝗵𝗳𝗮 𝗵𝗻𝗮 𝗻𝗶𝗵 𝘇𝗲𝗶𝗱𝗮𝗵 𝗸𝗮𝗻 𝘁𝘂𝗮𝗵 𝗮𝘄𝗸 𝗮 𝘂𝗺? 𝗧𝗵𝗶𝗹 𝗽𝗮𝗵𝗻𝗶𝗵 𝗸𝗮𝗻 𝗻𝗴𝗲𝗶.
Pakhatnak cu, Jesuh nih, “𝑴𝒂𝒉 𝒉𝒊 𝒗𝒊𝒂𝒍𝒕𝒆 𝒉𝒊 𝒖𝒎 𝒉𝒓𝒂𝒎 𝒂𝒏 𝒉𝒖𝒏 𝒊 𝒕𝒉𝒐𝒌 𝒕𝒊𝒌𝒂𝒉, 𝒅𝒊𝒓 𝒖 𝒍𝒂𝒘 𝒄𝒖𝒏𝒈𝒍𝒆𝒊 𝒌𝒉𝒂 𝒛𝒐𝒉 𝒕𝒖𝒂𝒉 𝒖, 𝒛𝒆𝒊𝒄𝒂𝒉𝒕𝒊𝒂𝒉 𝒏𝒂𝒏 𝒕𝒍𝒂𝒏𝒉𝒏𝒂𝒌 𝒄𝒖 𝒂 𝒏𝒂𝒊 𝒄𝒂𝒏𝒈,” tiah a ti bantukin kan tlanhnak nii le Jesuh rat thannak a nai cang, ti hngalh le ralrin tein um hi asi (Luka 21:28).
Pahnihnak cu, Baibal nih Jerusalem daihnak dingah thlacam u, a ti bang (Salm 122:6), vawlei ah daihnak a um khawhnak dingah thlacam peng kan herh.
.png)
0 Comments