Mi tampi nih Hebru holh ah “M/m” in a dongmi biafang paoh cu masculine plural form an si, tiah an
chim tawn. “M” in a donghmi min paoh pa min asi i atam (plural) an si ahcun Bethlehem, Abraham te hna hi ‘M’ in an dong ve
ko. Nain atam (plural) an si tung lo,
an ti. Cucu, a palhmi asi. Hebru biafang ah, a tlangpi in, “M/m’ siloin “.y.” (im) in a dongmi hi pa he a pehtlaimi atam (plural) langhternak caah hmanmi asi.
Cucaah, ‘Elohim’ (.yh##la)) le ‘Abraham’ (.h(r(b5a8) te hna cu tahchunh awk an tha lo. ‘Abraham’ cu ‘am’ in a dongmi
biafang asi. Elohim cu ‘im’ in a
dongmi biafang asi ve caah aa hlat tukmi an si. A ruang cu, ‘M’ in a dongmi
paoh, plural form ah kan ruah caah asi.
Asinain, Hebru ah hin irregular
nouns an um tung ve. Tahchunhnak, ‘Woman’ cu ‘hCa#’ feminine
noun asinain atam (plural form) in tial tikah ‘women’ cu ‘.yc#n( tiin “.y.” (masculine plural
ending form) in a dong. Cun, ba( (father) kha atam (plural form) in tial tikah tOba9 (fathers) tiin tial asi ve. ‘tO’ (ut) in a dongmi biafang poah nu he aa pehtlaimi atam (feminine nouns
plural form) langhtertu asi ko bu ah ‘pa hna’ (fathers) zongah feminine plural form ending in tial asi
ve. Cu bantukin Grik holh zongah “parqenoV” (virgin) cu feminine noun asinain masculine
noun stem ending form in tial asi. Cu bantuk thiamthiam in, aJm;artia; (sin) hi feminine
noun ending in tial asi. Asiahcun, sualnak hi nu asi maw? Asi lem hlei lo.
Min tial kongah hin cun Mizo min nakin a fiangmi cu an um lem
theng lai lo. An nih cu ‘i’ le ‘a’ in hngalh khawh colh an si. Kan nih Laimi
zong hi kan ngei ve nain fian a har ngai. Tahchunhnak ah, “par, hnem, thluai,
iang, fom, cer, rem, thlia, sung..’ te hna hi nu a langhtertu biafang an si ve.
“Thang, Bik, Hup, Chum, Lian, Kap, Mang, Uk, Hre, Ceu, Kio…. te hna hi pa asi
hngalhnak biafang an si ve. Cun, nu zong pa zong nih min caah hman khawhmi
biafang zong tampi an um ve, “hniang, ngun, sui, bawi, cin, siang, dar, van,…”
kan tial cawk lai lo. Tahchunhnak ah, Min: “Bawi Cin” sisehlaw, nu maw asi pa dah? kan fiang theng lai lo.
Kan hawikom dah asi ti lo ahcun. Nain, “Bawi Cin Thang” asi ahcun ‘Pa’ asi a
fiang i “Bawi Cin Par” asi ve ahcun ‘Nu’ min asi, ti a fiang tuk fawn. Nain
Hebru le Grik le Mizo bantukin a donghnak theng ah um hna seh, timi phungphai
kan ngei lo.
Asinain, ka chim cang bantuk khan, a tlangpi in, Hebru le Grik
biafang ahcun nu le pa min le a tlawm-tam hi biafang donghnak in hngalh khawh
an si. Hebru biafang ah “.y.” in a dongmi cu pa
he aa pehtlaimi min atam (masculine nouns
plural form) an si i ‘tO’ asi ahcun nu ‘atam’ (plural form) tial duhnak asi, ti a fiang.
Grik zong ah cu thiamthiam asi. English zongah a tlangpi in plural noun tial
kan duh tikah ‘s’ hi a phungphai asi. Nain irregular tampi an um ve thiamthiam.
Tahchunhnak, ‘news, men, women ….’
Cucaah, .yh##la) (Elohim) biafang cu
‘El’ asiloah ‘Elah’ a tlawmmi (singular
form) in a ra mi plural form asi
i ‘God/gods’ tiin sullam ngeihter khawh asi. Hebru ca ahcun third person singular, subject a tam
ahcun verb zong a tam in tial asi ve.
English ahcun subject a tlawm paoh ah
verb kha tam in tial a si.
Tahchunhnak, He (subject a tlawm) eats (verb atam). They eat. He goes. They (subject atam) go (verb a tlawm). Lai holh ahcun kan ngei rua lo ka ti. ‘a kal’ ‘an
kal’ asiloah ‘an ei hna.’ ‘Hna’ zong hi a fiang tuk lem lo. ‘a eitu’ maw a sawh
duh ‘an eimi’ dah ti hi Lai holh ahcun a fiang lem lo.
Asiahcun,
zeiruangah dah Gen 1:1 ah “verb”
atlawm in a hmang? .yr#B9 siloin ar(B( a hman. Hebru holh
ahcun, subject a um lo zongah verb
chungah hin subject a um cang, ‘Bara’ sullam cu, ‘He created something out of nothing’
tinak asi. Subject fiangte in a um
ahcun English in translation tuah
tikah subject kha tial le langhter hmasa asi. ‘….. .yh##la) ar(B(…..’ ah hin subject a
tam (plural form) asinain verb cu a tlawm. Cucaah, Hebru grammar
rule he aa kalhmi a lo ngai.
“El”/ ‘Elohim’ biafang hi kan biakmi Pathian
hrang lawngah hmanmi asi lo
1.
Siasal ca zongah hmanmi biafang asi: “Keimah he biak ti awkah, sui in siseh, ngun
in siseh pathian nan i ser hna lai lo” (Ex 20:23). Elohim biafang a hman.
2.
Minung ca zongah a hmang: “Nan nih cu pathian nan si, Cungnung Bik fapa nan si, kan ti hna” (Salm
82:6).
3.
Vanmi chimnak zongah a hmang: “Zeitintiah anih cu vanmi hna nak i niam deuh fang in na ser i sunparnak le
thangthatnak khan a chinhter” (Salm 8:5).
Nain,
kan biakmi Pathian (God) ‘.yh##la)’ chimnak zawn ahcun ‘verb’ a tlawm (singular) in a tialpiak i pathian (gods) tial a duh paoh ah ‘verb’
kha atam (plural form) in a tial ve. Cucu, aa daannak pakhat asi.
Mi
tampi nih nan Pathian cu ‘Pakhat’ lawng asi tung lo, ‘Elohim’ cu plural form
asi caah pathian tampi a bia mi nan si, an ti tawn. Asinain, ‘zeibantuk ‘verb’
dah a hman’ ti kha zoh fian a hau.
Cheukhat ve nih ‘Hebru plural form’ cu biafang thawnternak caah asi, an ti.
Zeimawzat tiang cu a dik kho nain ‘Elohim’ he pehtlai cun a dik lai, ka zum lo.
Zeicahtiah, ‘El’ biafang hi a thawng tuk cangmi biafang asi. Cucaah, Hebru
miphun nih ‘El’ biafang hi ‘caan, hmunhma le sining’ hoih in biafang dang he an
rak komh lengmang.
Tahchunhnak ah;
1. El-Elyon: Cung Nung Bik Pathian (God most high or most
high God) {Gen 14:18; Deut 32:8; Dan 3:26; Isai 14:14}.
2. El-Shaddai:
Lianngan Bik Pathian
(God Almighty) {Exo 6:3; Ruth 1: 20}.
3. El-Olam: Zungzal Hmunmi Pathian (the everlasting God)
{Gen 21:33; Salm 90:2}.
4. El-Gibbor: A Thawngmi Pathian (the Mighty God) {Isai
9:6}.
5. Elohim-Sabaoth: Ralkapbu Pathian Bawipa (the Lord God of
hosts) {Salm 80:4}.
Singular form asimi ‘El’ cu a thawngtuk cangmi (Pathian)
biafang asi cang caah bawmh a herh ti lo. Asi ahcun Hebru holh ningin ‘noun’
atam (plural noun) asi i ‘verb’ a
tlawm hmanpiakmi cu “Pathian’ (God) lawngah asi.
Asi ahcun, a sining ah atam (plural
noun) asi nain a tuahsernak ‘verb’
ah singular form in a langmi cu, ‘Triune God’ (Trinity) timi ruahnak le
zumhnak hi asi kho maw? Pathian sining le ziaza zoh ahcun 'Elohim' nih hin Pathian pakhat maw a sawh duh, thumkomh Pathian dah a sawh duh, ti fiang khawh ngai asi
ko.
0 Comments