AITHING EI A THATNAK PHUN (10) by Tha Chin Par

 

Nichirte, Aithing ei peng hi ngandamnak he pehtlai in thathnemnak tampi a um. Cu hna lakah cun, a tanglei ah tlawmpal in ka von langhter hmanh hna lai.

1) Lung zawtnak le thikai  a khamkhawh deuh: - Kan pum chung i a ummi, minung kan cell vam (cell membrane) poahpoah ah cholesterol timi a um. A fawinak in ka chim ahcun Cholesterol  hi kan pum nih a herh ko nain thua phunkhat asi caah kan pum chungah tamtuk a um ahcun kan thi kalnak lam ah donkhaantu ah an  cang theo caah thikai, lunglei zawtnak a phunphun le thua luan (overweigh) zawtnak a chuahpi tawn. Aithing nichir te/ atu le atu ei piaknak nih cholesterol hi a tlawmter deuh. Hlathlainak (research) pakhat nih a fianhmi cu thikai, ni 45 chungah a pum ah cholesterol a sangmi minung 80 aithing einak in an test hna i, aithin 3 gram einak nih cholesterol a tumter caah an ngeih cio mi lunglei zawtnak a phunphun, thikai le thualuan zawtnak kha a thatter deuh, an ti.

2) Cumpit a kham khawh:Antioxidant timi aithing chungah a um caah kan dawpmi thli (oxygen) chungin a thianglo mi vialte kha tampi khamkhawhnak a ngei i, cumpit zawtnak in an khamh khawh deuh ve.

3) Luakchuahmi hna caah:

   Nua pawi lio le hlainak (operation) tuah dih kaa hna ah khin mi tampi nih kan luakchuak an ti teo tawn, cun aithing kan eipiak le a tha a ti mi an tam pi fawn.

4) Pawfah, chungtlik a thatter: 

    Aithing nih kan paw chung thli a chuahter caah kan paw a damter. Rawl kan ei mi a rialning (digestive system) a thatter caah kan paw ngan a dam. Chungtlik zong a damter.

5) Lufah zawtnak (Migraine headache) a damter: 

 

    Lufah damnak sii ah aithing percentage (%) tamngai aa tel, ti theih asi. Hlathlainak pakhat zong nih a lungfak lio mi hna minung 100 he hneksak (test) nak an tuah tikah aithing nih an lu fah tampi a damter hna, tiah an chim.

6)  I derter deuh a duhmi hna caah atha: 

    Colombia university pakhat hlathlainak nih zingchir te aithing ei piak/ aithinghang dinpiaknak nih nikhat ah 43 calorie a chuahter (burn calories). Aithing hi pawtam zong a khang ngai ti asi. Cu ruangah der a duh mi hna nih eipiak ah a tha.  

7) Thahri fah a dam ter deuh: 

    George University hlathlainak pakhat nih nifatin aithing eipiaknak nih thahri fakmi 25% poah cu a damter,  timi an hmuh khawh.

8) Nu thi an ngeih caan pangfah dam deuh:

 

    Nu thi an ngeih caan pangfah dam deuhnak ah an din tawnmi ibuprofen timi sii ah khin aithing hi tam ngai aa tel. Nu thi ngei lio mi 100 kha hneksaknak (test) an tuah hna. An thi ngeih lio ah nithum chung pehtlai tein aithing 1 gram an eiter hna i cucu nih cun an pang fah a damter deuh ngaingai, timi hlathlainak an tuah khawh.

9) Khuasik a phen/ na khua lumter lai: 

    Aithing haang din hi na khua sih ahcun na khualumnak ding ah a rianrang ngai caah thil tha ngai asi. Na thi a lumter caah na thi kal dan zong a tha deuh ve lai.

10) Cancer zawtnak a kham deuh: 

    Cancer zawtnak hi kan cell in a hrawn (transmit) a tuah tawnmi si. Aithing nih cu ti a hrawnmi cu a khap khawh tawn, a hlei in hnuk cancer, paw cancer, nuainn cancer ti bantuk ko ah hin aithing ei piaknak thawngin cancer cell karhnak a kham deuh.

Curuang ah aithing hi a dang meh tamhnak le thakbare te pawl hna nakhmanh in nifatin kan ei mi rawl ah hmang hna usih. Ram tampi ahcun aithing aa telmi  lakphak (tea) hi a tam ngai cang. Cu hlei ah, sii tampi ah aithing hi a tel kho ngai fawn.