~~~~~~~~~~~~~~~~~~
Caa rel hi a har. Pehtlai tein carel hon thok khi a har chinchin. Caan pek a fawi lo. Caan ngeih le pek khawh bu hmanh ah a rel hrimhrim khi a rak fawi lo. Rel kaa le bang ah cun ihngilh colhnak ding khin a um.
Carel kong he pehtlai in a tawite nain a tling ngai, tiah ka ruahmi cu,
“𝘕𝘰 𝘭𝘪𝘰 𝘵𝘦𝘪𝘯 𝘤𝘢𝘳𝘦𝘭 𝘢𝘢 𝘩𝘯𝘦 𝘭𝘰 𝘮𝘪 𝘤𝘶 𝘢 𝘶𝘱𝘢𝘵 𝘵𝘪𝘬 𝘢𝘩 𝘩𝘯𝘦𝘬 𝘤𝘩𝘰𝘮 𝘪𝘯 𝘮𝘪 𝘩𝘯𝘶 𝘢 𝘻𝘶𝘭 𝘮𝘪 𝘢 𝘴𝘪 𝘵𝘦 𝘬𝘩𝘰. 𝘏𝘯𝘨𝘢𝘭𝘩𝘯𝘢𝘬 𝘪 𝘤𝘩𝘢𝘱 𝘬𝘩𝘢𝘸𝘩𝘯𝘢𝘬 𝘢𝘩 𝘢 𝘵̧𝘩𝘢 𝘣𝘪𝘬 𝘮𝘪 𝘭𝘢𝘮 𝘤𝘶 𝘤𝘢𝘳𝘦𝘭 𝘢 𝘴𝘪. 𝘊𝘶 𝘭𝘰 𝘭𝘢𝘮𝘱𝘩𝘢𝘸𝘬 𝘤𝘶 𝘢 𝘥𝘶𝘢𝘪 𝘤𝘰𝘭𝘩 𝘥𝘪𝘯𝘨 𝘮𝘪 𝘥𝘪𝘳𝘩𝘮𝘶𝘯 𝘢𝘯 𝘴𝘪 𝘯𝘨𝘢𝘸𝘵 𝘥𝘪𝘩. 𝘊𝘢𝘳𝘦𝘭 𝘬𝘢𝘯 𝘵𝘩𝘢𝘸𝘬/𝘥𝘰𝘮𝘩 𝘬𝘢 𝘢𝘩𝘤𝘶𝘯 𝘤𝘢𝘬𝘦𝘪 𝘯𝘪𝘩 𝘥𝘢𝘸𝘪 𝘮𝘪 𝘬𝘢𝘯 𝘭𝘰. 𝘏𝘯𝘦𝘬 𝘤𝘩𝘰𝘮 𝘪𝘯 𝘢 𝘵𝘭𝘪 𝘮𝘪 𝘬𝘢𝘯 𝘭𝘰. 𝘕𝘢𝘪𝘯, 𝘬𝘢𝘯 𝘳𝘦𝘭 𝘥𝘦𝘶𝘩𝘥𝘦𝘶𝘩 𝘵𝘪𝘬 𝘢𝘩 𝘤𝘢𝘬𝘦𝘪 𝘢 𝘥𝘢𝘸𝘪 𝘮𝘪 𝘬𝘢𝘯 𝘭𝘰 𝘵̧𝘩𝘢𝘯. 𝘒𝘩𝘶𝘢𝘳𝘶𝘢𝘩 𝘬𝘩𝘢𝘸𝘩𝘯𝘢𝘬, 𝘵𝘶𝘢𝘬𝘵𝘢𝘯 𝘵𝘩𝘪𝘢𝘮𝘯𝘢𝘬 𝘩𝘦/𝘵𝘩𝘢𝘸𝘯𝘨 𝘪𝘯 𝘵̧𝘪𝘩𝘱𝘩𝘢𝘯𝘯𝘢𝘬, 𝘪 𝘻𝘶𝘮𝘩 𝘭𝘰𝘯𝘢𝘬, 𝘱𝘢𝘭𝘩𝘯𝘢𝘬 𝘬𝘩𝘢 𝘵𝘩𝘢𝘥𝘢𝘮 𝘵𝘦𝘪𝘯 𝘬𝘢𝘯 𝘥𝘢𝘸𝘪 𝘵𝘪𝘯𝘢𝘬 𝘢 𝘴𝘪”
tiah Pastor
Abednego Cenhrang
(CCU ah Saya ṭuan lio) nih a Facebook profile ah a ṭialmi hi asi. Carel von ithok kaa khi cu lamcho ah bicycle hruai/nam bantuk si. Von rel deuhdeuh hnu khin lamphei cung i bicycle cit bantuk si cang. Nam hau ti loin amah nih a kan phurh.
Lai cauk hmetngan (size) a tam u cu atung letma 8 le a vaang letma 6 hrawng an si ngawt. Cahmai khat ah khin “biafang 300” tluk hrawng an um i a tlangpi in cahmai 250 naktlawm hi an tam. Cahmai 250 cung, Lai cauk cu a tlawm ngai rih lai, tiah ka ruah.
Cahmai 1 ah “biafang” 300 hrawng a um ahcun cahmai 250 ah cun “biafang” 75,000 hrawng a um, tinak si hnga.




Nang zong, na carel ning (speed) rak icheck ve.
Ka ruahnak ah 1 minute ah biafang 200 hi cu fawite in rel khawh asi ko lai, tiah ka ruah. A hlei in Laica koko cu. Zeicahtiah English bantukin biafang harmi kan ngei tuk rih lo. (Sullam harmi cu um kho nain).
Minute 1 ah biafang 200 kan rel khawh ahcun cahmai 250 rel ah minute 375 kan rau hnga. Minute 375 cu Suimilam 6 fai lawng asi. Nikhat ah sml. 1 carel caan kan pek khawh ahcun zarh 1 cauk pakhat kan rel dih hnga. Nikhat ah sml. 1/2 (cheu) lawng caan kan pek hmanh ah zarh 2 uk 1 kan dih khawh hnga.
Zarh 2 ah cauk pakhat kan rel khawh asi ahcun a tlangpi in thla 1 ah uk 2 lengmang kan rel tinak si hnga, cun kum 1 uk 24 kan rel dih hnga. Kum 1 ah uk 20 lawng rel dih hmanh ah a za tuk. Kum 5 ah uk 100 cu fawite in kan rel dih hnga.
Carel na rak zenh ngai kho men. Plan na rak tuah lo caah si kho. Plan ṭha tein hon ituah ahcun rak zenh tuk awk asi lem lo.
#Na rel huam phun (genre) in carel ithok. Atu hin thok colh hna usih!!
Siaherhnak he,
Jasmine Thang pa
Tikhuangtum
0 Comments